|
 წელს საქართველო ფრანკფურტის საერთაშორისო წიგნის ბაზრობაზე სპეციალური ფორმატით წარსდგა. პრეზენტაცია Have a look at Georgia, რომელიც საქართველოს ეროვნულ სტენდთან 12 ოქტომბერს გაიმართა, არაერთი უცხოელი გამომცემელი, ექსპერტი, მთარგმნელი, თუ ლიტერატურული აგენტი თანამედროვე ქართული ლიტერატურის გარშემო გააერთიანა. პრეზენტაციაზე სიტყვით საქართველოს კულტურისა და ძეგლთა დაცვის მინისტრი ნიკა რურუაც გამოვიდა და დამსწრე საზოგადოებას წიგნისა და ლიტერატურის ხელშეწყობის პროგრამის შესახეებ ესაუბრა.
|
|
|
 წიგნის ფესტივალი 26-29 მაისი
წიგნის ფესტივალის ფარგლებში წელს პირველად საქართველოს სტუმრობდნენ გამომცემლები ლატვიიდან და საბერძნეთიდან. დაესწრო 40,000-მდე დამთვლიერებელი, რაც შარშანდელთან შედარებით ორჯერ მეტი იყო. კვირეულის ფარგლებში მოეწყო 35 ღონისძიება და წელს პირველად ფესტივალი მასპინძლობა 3 საავტორო სტენდს - ბაკურ სულაკაურის, გია ქარჩხაძის და პალირტა L-ის გამოცემებს. კულტურის სამინისტროს ორგანიზებითა და ინიციატივით, კვირეულის ფარგლებში 12 საგანმანათლებლო დაწესებულებაში გაიმართა პრეზენტაციები, შეხვედრები, საჯარო შეზხვედრები მწერლებთან, წიგნის გამოფენები, მოხსენებების საჯარო კითხვა და ა.შ.
|
|
 2011 წლის 24-25 მაისს საქართველოს კულტურისა და ძეგლთა დაცვის სამინისტრო მასპინძლობს ლიტერატურულ ფორუმ–დიალოგს გამომცემლებისთვის მთარგმნელებისა და მწერლებისთვის. ფორუმ-დიალოგის მიზანია ხელი შეუწყოს როგორც უცხოური ლიტერატურის პოპულარიზაციას საქართველოში, ასევე ქართული ლიტერატურის პოპულარიზაციას საზღვარგარეთ.
ფორუმის ფარგლებში გაიმართება როგორც პრეზენტაციები და დისკუსიები საგამომცემლო და ლიტერატურულ სფეროში, ასევე იმ ცნობილი თანამედროვე ქართველი ავტორების მიერ თავიანთი ნაწარმოებების ფრაგმენტების საჯარო კითხვა, რომელთა ნაწარმოებებიც არაერთ უცხოურ ენაზე ითარგმნება. ფორუმში მონაწილეობას იღებენ როგორც ქართველი, ასევე უცხოელი გამომცემლები (აშშ, დიდი ბრიტანეთი, გერმანია, შვედეთი, საფრანგეთი), ქართველი მწერლები და მთარგმნელები.
ლიტერატურული ფორუმ–დიალოგი იმართება საქართველოს კულტურისა და ძეგლთა დაცვის სამინისტროს, აშშ–ის საელჩოს, გოეთეს ინსტიტუტის, ბრიტანეთის საბჭოს და შვედეთის ინსტიტუტის მხარდაჭერით.
|
|
მთარგმნელობითი კონკურსის შედეგები ქართული გამომცემლობებისათვის |
|
უცხოური ლიტერატურის ქართულად თარგმნა და გამოცემა
2010 წლის 29 სექტემბერს საქართველოს კულტურისა და ძეგლთა დაცვის სამინისტრომ გამოაცხადა მთარგმნელობითი კონკურსის შედეგები ქართული გამომცემლობებისათვის.
კონკურსის შედეგად გამოვლენილი პროქტებია:
1. ინგმარ ბერგმანი, Laterna Magica. (ბაკურ სულაკაურის გამომცემლობა);
2. როლან ბარტი, მითოლოგიები. (აგორა);
3. მოძღვარი ეკჰარტი, რჩეული ქადაგებები. (გ. ქარჩხაძის გამომცემლობა);
4. ჰენრი დევიდ თორო, უოლდენი ანუ ტყეში ცხოვრება. ესეები. (სიესტა);
5. ანგელუს სილეზიელი, ქერუბიმული მოგზაური. (სიესტა);
6. ორჰან ფამუკი, უმანკოების მუზეუმი. (დიოგენე).
გამოვლენილი ექვსი პროექტიდან სამინისტრო სამ საუკეთესო პროექტს დააფინანსებს. |
|
პოეზიის საერთაშორისო კონკურსი Castello Di Duino-VII-2011 |
|
დეტალური ინფორმაცია კონკურსის შესახებ შეგიძლიათ იხილოთ ვებ-გვერდზე: www.castellodiduinopoesia.it.
იხილეთ კონკურსის პირობები და სააპლიკაციო ფორმა |
|
|
<< დაწყება < წინა 1 2 შემდეგი > ბოლოს >>
|
|
გვერდი 1 (2–დან) |
